Crónicas en Castúo de mi tierra extremeña:
> LOS VIAJIS DE MONAGU
>
> Acabu de descubril
> al encendel hoy la güifi
> que Monagu visitaba
> a su amiga en Tenerifi.
>
> Treinta y dos vecis na menus
> ¡Sí que estaba enamorau!
> Lo peol es que viajaba
> con las cortesanas del Senau.
>
> Esti hombri presumía
> de que iba a sel austeru,
> peru no era trigu limpiu,
> le hemus vistu ya el plumeru;
>
> pos no debi sel mu austeru
> querel sel protagonista
> viajandu en primera clasi
> en vez de en clasi turista.
>
> Prometía manu dura
> pa frenal la corrupción,
> por lo tantu debería
> presental su dimisión.
>
> El dici que los viajis
> los pagó de su bolsillu,
> y piensa que no mereci
> dormil en el cuartelillu
>
> Y al pocu tiempu nos diju
> que por amol a su tierra
> lo ha pensau muchu mejol
> y va a devolvel las cortesanas.
>
> Nos contó que estu se trata
> de una conspiración.
> ¡Y a vel quien se crei esu
> tal comu está la nación!
>
> Más tardi se echó a lloral
> con la genti que le apoya,
> y esa actuación se mereci
> que lo nominin a un Goya.
>
> Nos diju que en su trabaju
> siempri se deja la piel,
> y que tous esus viajis
> no los hizu por placel.
>
> Es decil,que si lo vemus
> de fiesta en Marina Dol
> diremus que está currandu
> porqui es mu trabajadol.
>
> Los casus de corrupción
> por desgracia están de moa,
> y Monagu que aspiraba
> a vivil en la Moncloa
>
> ha vistu comu se frenan
> sus altas aspiracionis
> por viajal hasta Canarias
> en más de treinta ocasionis.
>
> Comu esti hombri es bomberu
> sabrá apagal esti fuegu,
> yo ya voy a despedilmi,
> un saludu y hasta luegu.
>
> Roberto Martin Moreno.