Iniciado por Chuck Norris

A Igreja recebe cada ano 10.000 milhons de euros do Estado espanhol

Versión PDF

Redacçom/ É habitual ouvir falar nos meios de comunicaçom de Estados “islámicos”, mas todo o mundo botaria as maos à cabeça de falar do “Estado católico espanhol”. Porém, conforme os cálculos de Europa Laica, a Igreja recebe no Estado espanhol uns 10.000 milhons de euros por ano, incluindo as transferências à educaçom e sanidade concertadas. Contrasta com a quantidade recebida por outras religions, apenas 6 milhons de euros para o judaismo, islám e evangelicalismo, isso sim, através da Fundación Pluralismo y Convivencia.

Intérpretes inflexíveis da Bíblia, abrem algo mais a mao para lerem outras passagens que fam chamamentos à austeridade ou condenam o mercadeio. Na média cada habitante do Estado achega 200 euros anuais à Igreja, incluíndo impostos estatais, autonómicos, provinciais e municipais. Quantidade à que há que somar partidas “excepcionais”, como uns 60 milhons de euros para a Jornada Mundial da Juventude em Madrid, ou a visita de Ratzinger a Compostela, da que ainda nom há dados oficiais do custo público. Alguns estudos asseguram que anulando só as subvençons à Igreja nom seria “necessária” a aplicaçom da jubilaçom aos 67 anos. Só através da declaraçom da Renda, no ano passado a Igreja levou de forma direta mais de 250 milhons de euros, aos que há que somar outros 80 recebidos através da “x” de “outros fins sociais”, que vam parar a ONG católicas. Óscar Celador ou Dionisio Llamazares, peritos em Direito Eclesiástico, mostram-se assim de rotundos: “a Igreja vive das rendas da desamortizaçom de Mendizával em 1822”.

O desglosse das fontes de ingressos da Igreja no Estado espanhol é o seguinte:

-249 milhons de asignaçom do IRPF, destinados integramente a financiar o culto e o clero.
-80 milhons através de “outros fins”.
-1.000 milhons que aforram pola exençom do pagamento de impostos como o do IBI ou o de património.
-4.600 milhons que recebe do Estado para pagar-lhe aos colégios concertados e professorado de religiom da pública, umhas 16.000 pessoas que gozam dos mesmos direitos que o resto do funcionariado, mas nom tenhem as mesmas obrigas. Os postos do professorado nom som através de oposiçom senom “a dedo”.
-3.200 milhons para financiar centros de atençom sanitária dirigidos por ordens religiosas. Assim a Igreja transforma, com dinheiro público, numha obra benéfica sua o que devera ser umha obriga do Estado para com a cidadania.
-25 milhons para pagar o salário de capeláns em quarteis e em cárceres. Nestas últimas a carência de infraestrutura para atividades formativas, de atençom sanitária, etc., é mais que conhecida, mas nom falta o serviço de adotrinamento religioso.
-500 milhons para conservaçom de património artístico que, porém, está em propriedade da Igreja,
-290 milhons de euros para eventos de carácter local.
-Gastos “extraordinários” como os 60 euros para a “Jornada da Juventude” que se celebrará este verao em Madrid.
A Igreja recebe cada ano 10.000 milhons de euros do Estado espanhol | galizalivre.org

Iniciado por cujo

igreja.... joder con el gallego